انــا وانـا بـالـناس والـنـاس اقــوال
والـفـعـل فــعـل الله والـطـول طـولـه
اشـــوف هــذا مـثـل هــذا بــالازوال
الـعـبـد مــثـل الــحـر ولا فـيـه دولــة
الـذيـب نـفـس الـكـلب والـكـل بـوال
والــفـيـل بــثـراقـه ولـلـثـرق جــولـة
لا راس فــوق الـراس ولا فـيه رجـال
قـــل لـلـرجـال الـــراس راس مهبولة
انـــا ولـــد افــعـال والــجـد الافــعـال
مـارحـت ادور جــد وســط الـحـمولة
من شيخ ماعمره طويل (ن) بالانذال
ولا شــاخ بـلـسانه كـلام (ن) يـقوله
سـبـعين مـخـتومة ومـحمودة الـحال
مــذكــورة بـالـخـير وللاشــرار بولـة
الـنـفس مـابـين الـسـماوات والـجال
بـظـلالـه الـمـركى ومــن الله قـبـوله
ان كـنـت مـعـادي فـانـا اكـثـر خـبـال
عـداوتـك ربــح (ن) وعندي حموله
اركــب خـيـولك وانـا اعـرفك الاطـوال
واجـمع جـنودك والـحرس في طبوله
وانـــزل مــنـازل حـــرب نـــزال نــزال
مــاهـو بــشـارع يـالـشـوارع نــزولـه
يــوم الـمـلاقى كــل فــارس وخـيـال
يـلـقى الـحـقيقة كـلـها فــي فـلوله
الـفـر عـنـدك فــر لاشـفـت الاهـوال
لا شـفت مـحصولك براسك حصوله
لــذا انــا بـنصحك فـي كـل الاحـوال
والـنـصح مــن قـلـب كـثـيرة حـلـوله
واقــول مـالـك اهـل ولا عـندك عـيال
ولا فـيـه شـايب عـايل (ن) او تـعوله
ولا فيه شغلة يوم انا صرت الاشغال
والا انــــت مــتـطـوع بـلـيـا عـمـولـة
مـا فـيه مـشروع (ن) ولا فيه اعمال
ولا في طموحات (ن) ولا شي حوله
مـافي هـدف تـستهدفه غير الاموال
انــجـاز واحـــد فـــي حـيـاتك تـنـوله
يـارجـل اعـقـل وانــت لـباس الـعقال
خــلـك رجـــل لا قـيـل كـلـه رجـولـة
عـــداوة الابــطـال مـاهـي لـلابـطال
ومــحـارب الاخــوان مـاهـي بـطـولة
ان كـنت مـسلم اتـرك الـكفر بـالحال
والــزم امـامـك واعـتـدل مـع عـدوله
وان كــنــت صــــوال ولابـــد صـــوال
الـصـول عـنـدي يـاولـد الــف صـولـة
امـــا تــعـرف الــجـد والـعـم والـخـال
والا نـــدلـــك بــالــخـبـل يــاخــبـولـه
وانـا لازلـت بـين الـناس افعال واقوال
يـاقـاصـر بـالـطـول وبـالـقـصر طــولـه
|