ALZAWEYAH.ORG

A MAJED SAWI - WEBPAGE

 

 WEBPAGE ABOUT THE ARTS SCENE


 

https://arriyadiyah.com/661836

 

وصفة شِعر جديد
فهد عافت |
2019-09-25

البارحه شفت الشّعِرْ
يتمرّغ بغيمة حليبْ!.

ويرفع يدينه للسما: يا مستجيبْ.

ولمّا لمّحني من بعيدْ..
اوْمَى عليّ:
تعال، واسمع من قريبْ:

لو تفتحون شبّاك دفاتركم على..
بسمة حبيبْ!.
لو تفتحون قلوبكم..
على دفا حضن اغنيهْ..
تشرق بها شمس الرّضا بلا مغيبْ!.

وتكحّلون عيونكم بتراب وطن..
ضحكة اطفاله آمِنَهْ ما تستريبْ!.

وطنْكم الحرّ.. المَهِيبْ!.

لو من شجر تحنانكم..
على الضعيف توزّعون..
اللي تيسّر من غصون ضلوعكم..
عكّاز للمحني ظَهَرْ: عَوَز ومشيبْ!.

لو تغفرون اكثر لزلّات الهوى!،
أكثر شويْ!..
أكثر مسافة اصبعين وشبْر ضيّْ!..

لو يغلطون اهل الهوى يشفع لهم..
إن الهوى نفسه مصيبْ!.

لو تكتبون احسن شويّ!..
أحسن مسافة ريشتين وعندليب!.

لو تعرفون اكثر مسافة آيتين..
شكِثْر كان الله رحيمْ..
ودودْ.. كريمْ..
وهُو يوزّعكم على أيامكم:
قسمة ونصيبْ!.
.....
مسفر.. يطيبْ!.

ليا ضاق صدرك
poet and writer :
jameel alruwaili

 

نـــاصـــر راكـــــي
@ALRUWAILI04440
·
٩ بارك الله بالشدايد والظروف 


·خل السرا يجذبني -

 الشاعر المتقن منصور حواس الخضع